Dorëzimi i mandatit nga ana e Saimir Tahirit pati natyrshëm jehonën e tij edhe në seancën e parlamenti.

Opozita i qëndroj premtimit të saj për të mos pasur normalitet në Kuvend dhe u largua menjëherë, pasi Kryetari i Grupit Parlamentar, Edmond Spaho, e cilësoi farse vendimin e ish-ministrit të Brendshëm.

“Po mirë, para një jave nuk erdhi këtu ai për të mbrojtur mandatin? A nuk erdhi këtu në Kuvend? Çfarë ka ndryshuar? Apo shkoi zotëria në Berlin dhe ia vunë të dy këmbët në një këpucë? Dhe i thanë, ose do të hyjë në burg Sajmir Tahiri, ose nuk ka hapje negociatash!”, tha Spaho.

Ky ishte i vetmi moment kur Kryeministri, Edi Rama përmendi emrin e ish-ministrit te tij duke u përqendruar tek sqarimi qe rekomandimi për hapjen e negociatave është pakushte e duke shmangur çdo koment për dorëzimin e mandatit të deputetit nga Sajmir Tahiri.

Ndërkohë që opozita zgjodhi mediat jashtë Parlamentit për ta cilësuar farse e komedi çështjen Tahiri, pasi drejtësia tashme është kapur nga Kryeministri Edi Rama, i cili është personi përgjegjës për kanabizimin e Shqipërisë.

“Ai nuk kupton se bota nuk po kërkonte kokën e Saimir Tahiri, po kërkon në të katër anët dorëheqjen e Edi Ramës. Edi Rama është pengesa kryesore drejt BE. Tashmë bërja kurban vetëm për dy orë e Saimir Tahirit tregon akoma dhe më shumë që sistemi i drejtësisë, prokuroria shqiptare janë jo vetëm të kapura, por janë instrumente në duart e Edi Ramës”, tha ai.

Për mazhorancen largimi i Tahirit nga parlamenti është një vendim personal. /Vision Plus